حلوة كاوكاو لذيذة.

                   حلوة  كاوكاو  لذيذة.

المقادير:

ربعة زبدة فاميليا
كأس سنيدة
نصف كأس زيت
خمارة
1 بيضة
كيس فاني ممكن ديرو قشرة حامضة محكوكة
طحين حسب الخليط

لتفنيد : كاوكاو مهرمش مزيان خضر
بياض بيضة

لحشوة :

شكلاط مذوب أو كوفتير مخلط مع ملعقة سكر ونديروه فوق بوطة يدفى ونعمرو به لحليوة ديالنا

ممكن ديرو كليكوز مع قطيرة ملون ونحطهم فوق لبوطة يدفاو ونعمرو به لحليوات ممكن ديرو نيسلي كراميلي لسبق ليا وحطيتو

الطريقة:

نمعكو زبدة جيدا مع سنيدة حتى تولي بحال بوماد تنضيفو عليها زيت وبيضة وفاني تنبداو نضيفو طحين ولخمارة وحنا تنخلطو
بشوية حتى تتجمع لينا لعجين خاصها تكون رطبة نكونو منها كويرات صغار

  

تنثقبوها باصبع ديالنا

ندخلها لفران طيب

هنا خرجتها من الفران بعدما تحمرت شوية من تحت

نعاودو نتقبوها ونزلوها لتحت تحمر

هنا تحمرت وخرجتها من الفران

هاهي بعدما زوقتها