طريقة عمل الدجاج المحمر روعععععة.

                                     طريقة عمل الدجاج المحمر روعععععة.

ناخذو الدجاج كنغسله مزيان مزيان بالملح او الحمض او كنقيوه مزيان  من الداخل من بعد كنغسلوه مزيان او كنديره يقطر او كنشدو بانيو كندير فيه حمضة معصرة+البزار +القزبر+سكنجبير كنشدو هاد الخليط او كنرقدو فالدجاج من الدخل او من برا ونخليوه يبات ليلة كاملة فهاد الشرمولا الغد  جبديه او قطعيه البصلة  كندير فالطنجرة الزيت البلدية +شوية ديال الزيت الرومية كيسخنو  كنديرو البصلة فالطنجرة او كنخليها تقلا كنضفو عليها  البزار +سكنجبير +الزعفران +التومة معصرة +القزبر +معلقة كبيرة ديال السمن +القلب ديال حمضة مسيرة (الملح مكندروش حيت الدجاج مرقد فيه) كنضيفو جميع المقادير فوق البصلة و نحركوهم  ثم كنحطو الدجاج فالطنجرة او كننقس البوطة عليه او كنخلي البصلة تطلق الماء ديالها باش كيطيب الدجاج على خاطرو كنشدو لغلقة ديال الطنجرة او كنحطو فوقها الزعفران شعرة يسخن مزيان توم كنحكوه بالكف ديالنا او كنديره فالدجاج او كنسد الطنجرة او كنخليو الدجاج يطيب (ليبغا يدير قشاوش الدجاج),كنشدو لقشوش ديال الدجاج كنغسلهم مزيان او كنديرهم فكسرنة فيها شوية ديال الماء يتسلقو نصف سلقة باش ما يتفرتتوش منين نضفهم على المرقة ديال الدجاج, من بعدما طاب الدجاج كنحيدوه او كنحطوه على جنب او كنرميو فالمرقة ديال الدجاج هدوك لقشوش بعدما صفنهم من الماء مزيان توم كنضفو الزيتون كنبداو نقليو فالدجاج فالزيت كنخليو المرقة حتى كتشرب مزيان او توقف او تولي خاترة عاد كنطفيو عليها او كنشدو أجلوف ديال الحمض مسيرين كنقطعهم طوال او كنزوقو بهم الدجاج او بصحتكم او راحتكم.