الميل فوي بطريقة جديدة.

                                           

                             الميل فوي بطريقة جديدة.

مقادير  ميل فوي:

1 - لاكريم موسلين.
2 - فيها نصف لتر حليب.
3 - 3 بيضات.
4 - 1فاني.
5 - قشرة حامضة محكوكة.
6 - السكر سنيدة 150غ.
7 - الزبدة125غ.
8 - 50غ النشا او المايزينا.

الطريقة الميل فوي:

نعملو الحليب في كسرونة يسخن فوق النار.
ناخدو البيض + السكر ونطربوه زيان + النشا +الحليب اللي سخناه واحنا كنطربو من بعد نعاودو نرجعوه فوق النار حتى يصبح الخليط مكثف على شكل كريمة ونخليوه حتى يبرد شوية ونزيدو عليه هديك الزبدة واحنا كنطربو حتى تصبح كريمية+الفاني + قشرة الحامض محكوكة ونخليوها جانبا حتى تبرد.

تحضير العجين:

اول شئ نحتاجو للعجين المورق.

ناخدو العجين المورق ونطلقوه بالمدلك الى 3 الورقات اللي نثقبهم بالفورشيط مزيان باش متنفخش لينا العجينة ومني يطيبو نخليوهم يبردو.

مقادير الفوندان:

نحتاجو لابيض بيضة +زلافة سكر كلاصي + معلقة صغيرة خل واحنا كنطربو فوق حمام مائي حتى يذوب السكر وتنسجم العناصر.

طريقة التحضير :

كناخد لابات اللي طيبناها ونعمل ليها طبقة من الكريمة ونعمل طبقة اخرىمن البات + طبقة اخرى من الكريمة ونزيد الطبقة الثالثة وهد الطبقة كنعمل فوقها الفوندون اللي وجدناه ونكون مدوبا الشكلاط اسود ونعملو في بلاستيكة ونثقبها ثقبة رقيقة ونزوق بيه على شكل ميلفوي.

                                                       بالصحة والراحة.