فلفلة معمرة بالروز والكفتة:.
عدد الفلفلات حسب عدد الافراد
وناخد بصلة صغيرة نقطعها مربعات ونديرها تشحر فشوية الزيت البلدية وشوية الملحة حتى تدبال
ونزيد علها الكفتة ونخليها حتى هي تشحر على نار مهيلة ونفس الوقت نكون درت زلافة صغيرة أو كاس كبير ديال الرز كلاسي يتسلق
منين يتسلق الروز نزيدو على ديك الكفتة ونزيد شوية القزبر والمعدنوس والبزار وسكنجبير والزعفران والملون أما الملحة فعلى حساب الدوق
ناخد طنجرة تكون واسعة شوية وحكيت فيها 3 مطيشات كبار ونص بصلة+ معلقة ديال مطيشة الحك وشوية الزعتر وورقة سيدنا موسى والقزبر والمعدنوس والملحة والبزار وسكنجبير والزعفران التحميرة والملون والزيت البلدية والرومية ونخلهم يغلاو مزيان .
منين يغلى مزيان ناخد ديك الكفتة مع الروز ونعمر بها ديك الفلفلة ونديرها فالطنجرة ضروري الفلفلة تكون مقادة من التحت باش توقف مزيان وما تقلبش لينا العمارة
ملي يطيب نخرجها من الطنجرة ونديرها فشي طبسيل ونخليو ديك لصوص حتى تعقاد مزيان على هاد الشكل ونديرها فشي مول كيدخل للفران
نحط الفلفلة فالمول بالشوية لا تخرج العمارة وندير فوقها الفرماج محكوك وندخلها للفرن غير حتى يدوب داك الفرماج
0 comments:
إرسال تعليق