بسطيلات صغار بالسمك غزالي

بسم  الله الرحمان الرحيم:

                                            بسطيلات صغار بالسمك  

                     

لمقادير :
ورقة بسطيلة من الحجم الصغير
زبدة مذوبة
حبات من القمرون بالقشور مشحرين
للحشو :
بصل مشلظة رقيقة
زيت نباتي+زبدة
1 فلفل أخضر مقطع مربعات صغيرة
1 فلفل أحمر مقطع مربعات صغيرة
2 جزر محكوك
شرائح سمك أبيض أي نوع مفضل عندك
قمرون
شعرية صينية
علبة فطر مقطع شرائح
عصير حامض
قزبر و معدنوس مدقوقين مع 2 ضروس تومة
تحميرة ابزار كمون ملح هريسة حسب الذوق

الطريقة :

في طنجرة على النار نذوب شوية الزبدة و نضيف لها شوية زيت نضيف البصل و نخليه يتقلى حتى يذبل و نضيف الفلفل الأخضر و الأحمر و الجزر المحكوك نترك الكل فوق النار حتى ينضج نضيف الفطر والتوابل (ملح والكمون +تحميرة+ابزار+هريسة) و القزبر و المعدنوس نترك الكل فوق نار هادئة . في مقلاة اخرى نذيب القليل من الزبدة و الزيت ونضيف شوية ثومة و شوية قزبر و معدنوس و عصير الحامض ثم نضيف القمرون و نتركه لدقائق فقط.تم نزيله من على النار نفس العملية نقوم بها بالنسبة لشرائح السمك الأبيض بعدما نقطعها مربعات صغيرة. نغلي الماءومربع مرق الخاص بالسمك و نصبه على الشعرية الصينية.نتركه دقيقتين ثم نصفيها و نقطعها نضيف القمرون و السمك الأبيض و الشعرية الصينية للخليط الأول و هاهي الحشوة جاهزة نأخد أي قالب صغيراو زلافة صغيرة نفرش و سطها ورقة بسطيلة تم نضيف نصف ورقة في الوسط حتى لا تتمزق الورقة الأولى و تخرج الحشوة تم نملا بالقليل من الحشوة ونجمع الاطراف مع دهنها بالفرشاة بالزبدة المذابة ثم نقلب فوق اليد و نضعها فوق صينية الفرن نستمر حتى نهاية الحشو نضعها فوق صينية الفرن. تتحمر ونزينها بحبات القمرون والحامض و نقدمها بصحة والراحة.